චිබා ප්‍රාන්ත රියදුරු බලපත්‍ර මද්‍යස්ථානය
අවශ්‍ය ලියකියවිලි පහත පරිදි වේ
01. ශ්‍රී ලාංකීය රියදුරු බලපත්‍රය
ශ්‍රී ලාංකීය රියදුරු බලපත්‍රය අවශ්‍ය වන අතර ජපානයට පැමිණීමට පෙර බලපත්‍රය ලබාගැනීමෙන් පසුව අවම වශයෙන් දින 90 ක් (මාස 3ක් ) ශ්‍රී ලංකාවේ රැඳී සිට තිබිය යුතුය. (ඔබ දැනට ජපානයේ සිටින්නනම් ඔබට මෙම දින ගණන සම්පුර්ණ නොවන්නේ නම් නැවත ශ්‍රී ලංකාවට ගොස් එම දින ගණන සම්පුර්න කර නැවත පැමිණිය හැකිය. එය එක දිගට නොඋනද ගැටළුවක් නොමැත) උදා :- ඔබ බලපත්‍රය ගෙන දින 30ක් ( මාසයක්) ලංකාවේ රැඳී සිට තිබේ නම් කාලය සම්පුර්ණ කිරීමට ඔබට තවත් දින 60 ක් ( මාස දෙකක් ) ශ්‍රී ලංකාවේ සිටීමට අවශ්‍ය වේ. නමුත් ඔබට අවස්ථා දෙකකදී වුවද ශ්‍රී ලංකාවට ගොස් එම කාලය සම්පුර්ණ කරගත හැකිය.
මෝටර් රථ ප්‍රවාහන දෙපාර්තුමේන්තුවෙන් (DEPARTMENT OF MOTOR TRAFFIC) නිකුත්කරන ලද ඔබගේ රියදුරු බලපත්‍රයේ සත්‍යතා වාර්තාව ( DRIVER INFORMATION EXTRACT රියදුරු තොරතුරු උපුටා ගැනීම ) අවශ්‍ය වේ.
ඉහත සඳහන් කර ඇති සත්‍යතා වාර්තාව ( DRIVER INFORMATION EXTRACT) ශ්‍රී ලංකාවේ විදේශ කටයුතු අමාත්‍යංශය ( MINISTRY OF FOREIGN AFFAIRS) හරහා සහතික කර ගෙන ගෙන්වා ගත යුතුය .
තවද පහත සඳහන් කරුණු මත ඔබගේ රියදුරු බලපත්‍ර මද්‍යස්ථානයෙන් ප්‍රත්ක්ෂේප විය හැකි හැකිය
* රියදුරු බලපත්‍රය කැඩී පලුදු වී ඇත්නම්
*බලපත්‍රය තුල ඇති දිලිසෙන ස්ටිකර් කොටස සිරීම් හෝ පලුදු වී ඇත්නම්
02. පදිංචිය සහතික කිරීමේ සහතිකයක්
jūminhyō (住民票) (certificate OF residence)
පදිංචි සහතිකය ඔබට අදාළ නගර කාර්යාලයෙන් (SHIYAKUSHO) ලබාගත හැකි අතර එය ලබාගත් දින සිට මාස හයක් ඇතුලත ඉදිරිපත් කල යුතුය.
සහතිකය තුල ජාතිකත්වය පහැදිලිව සඳහන් වී තිබිය යුතුය
ඔබගේ වලංගු නේවාසික කාඩ්පතේ (RESIDENT CARD) අංකය සහතිකය තුල තිබිය යුතු අතර ඔබ කාඩ් පත අලුත් කරනු ලැබුවහොත් අංකය වෙනස්වන නිසා අලුත් සහතිකයක් ලබාගැනීමට සිදුවනු ඇත
03. වලංගු නේවාසික කාඩ් පතක් ( RESIDENT CARD)
ජපානයේ රැඳීසිටීමට ඔබට නිත්‍යානුකුල වීසා බලපත්‍රයක් තිබිය යුතු අතර ඒ සඳහා නිකුත් කරන නේවාසික කාඩ් පත රියදුරු බලපත්‍රයක් ලබා ගැනීමට එය අනිවාර්යෙන්ම අවශ්‍ය වේ
04. වලංගු විදේශ ගමන් බලපත්‍රය ( PASPORT )
ශ්‍රී ලංකා රජ විසින් නිකුත් කරන ලද ගමන් බලපත්‍රය අවශ්‍ය වන අතර එය කල් ඉකුත්වී නොතිබිය යුතුය
තවද ඔබගේ දැනට ඇති ගමන් බලපත්‍රයට අමතරව බලපත්‍ර ඇතිනම් ඒවාද අවශ්‍ය වන අතර ගමන් බලපත්‍රය අලුත් කර ඇතිනම් පරණ බලපත්‍රද අවශ්‍ය වේ. ඔබගේ ගමන් බලපත්‍රය නැති වීමක් හෝ අස්ථාන ගතවීමක් සිදුවී නැවත ලබා ගත් බලපත්‍රයක් නම් ජපාන රියදුරු බලපත්‍ර මද්‍යස්ථානය විසින් ඔබට දන්වනු ඇත එවන් අවස්ථාවක දී පහත සඳහන් කරුණු අනුගමනය කරන්න
ඔබගේ බලපත්‍රය නැතිවී හෝ අස්ථාන ගත වී නැවත සකස්කරන ලද බලපත්‍රයක් වුවහොත් එහිදී ඔබගේ නැතිවී ඇති බලපත්‍රය තුල ඇති විසා බලපත් ලබාගත් තොරතුරු නැති වී යන අතර එහිදී ඔබ ජපානයට පැමිණීමට පෙර ශ්‍රී ලංකාව තුල දින 90 ක් රැඳී සිට ඇති බව තහවුරු කිරීමට නොහැකි වන බැවින් ඔබට ඒ බව තහවුරු කිරීම සඳහා ඔබ ශ්‍රී ලංකාවේ රියදුරු බලපත්‍රය ලබාගත් දින සිට දින 90 කින් පසු පළමු වරට ජපානයට පැමිණීමට පෙර ශ්‍රී ලංකාව තුල ජිවත් වූ කාලය තුල ලබාගත් නිත්‍යානුකුල ලියවිලක් අවශ්‍ය වේ
උදා :- රෝහලකින් නිකුත්කරන ලද බිල්පතක්
බැංකුවකින් නිකුත් කරන ලද රිසිට් පතක්
පිළිගත් ඕනෙම ආයතනයකින් නිකුත් කරන ලද ලියවිල්ලක් වලංගුවන අතර ලියවිල්ල තුල ඔබගේ නම පැහැදිලිව සටහන් වී තිබිය යතුය
සැලකිය යතුය :- මෙම ක්‍රමවේදය ඔබ සිටින බලපත්‍ර මද්‍යස්ථානය අනුව වෙනස් විය හැකි අතර මෙවන් අවස්ථාවකදී බලපත්‍ර මද්‍යස්ථානයේ අදාල නිලදාරියා විසින් ඔබට ඒ බව දැනුම්දෙන අතර ලියකියවිලි සම්බන්ධයෙන්ද පැහැදිලි කිරීමක් සිදු කරනු ඇත. එබැවින් චිබා රියදුරු බලපත් මද්‍යස්ථානය වෙත යොමුවන්න.
05. ඔබගේ රියදුරු බලපත්‍රයේ ජපන් භාෂා පරිවර්තනය ( JAPANESE TRANSLATION )
ජපාන මෝටර් රථ සම්මේලනය Japan Automobile Federation( JAF) ආයතනය තුලින් ඔබගේ ශ්‍රී ලංකික රියදුරු බලපත්‍රය ජපන් භාෂාවට පරිවර්තනය කරගත යුතු අතර චිබා ප්‍රාන්තයට අදාල JAF ආයතනය පිහිටා ඇති ස්ථානය සහ විස්තර සඳහා පහත ලින්ක් එක මත ක්ලික් කරන්න
චිබා ප්‍රාන්ත JAF ශාඛාව – https://jaf.or.jp/about-us/headquarters-and-branches/kanto/chiba
වෙලාව වෙන් කරගැනීම සහ ලියකියවිලි පරික්ෂාව සඳහා විස්තර
ඉහත සඳහන් සියලුම ලියකියවිලි සුදානම් කර ගැනීමෙන් අනතුරුව ඔබ චිබා ප්‍රාන්ත රියදුරු බලපත්‍ර මද්‍යස්ථානය වෙත ගොස් ඔබගේ ලියකියවිලි පරික්ෂා කර ලියාපදිංචි විය යුතුය. ඒ සඳහා සතියේ දින වල උදේ 8.30 සිට 9.00 දක්වාත් පස්වරු කාලයේ හවස 1.00 සිට 1.30 දක්වාත් කාලය තුල රියදුරු බලපත්‍ර මද්‍යස්ථානය වෙත යා යුතුය
රියදුරු බලපත්‍ර මද්‍යස්ථානය පිහිටි ස්ථානය
අප හා සම්බන්ධ වීම්
Ceylon Driving School අපගේ ෆේස්බූක් පිටුවට පිවිසීමට ඉහත බටන් එක ක්ලික් කරන්න